ბათუმში, ქალაქის ტერიტორიიდან უნებართვო და უსახური ჯიხურების გატანა გრძელდება, ამის შესახებ ინფორმაციას მუნიციპალური ინსპეცია ავრცელებს.
ადმინისტრაციული ზედამხედველობის სამსახურის მიერ ბოლო ერთი თვის განმავლობაში ცენტრალური ნაწილიდან უკვე გატანილია 27 ჯიხური; ხელვაჩაურის გზადკეცილიდან კი 19.
“პარალელურად ხორციელდება მოძრავ სატრანსპორტო საშუალებებზე თვითნებურად მოწყობილი გარევაჭრობის ალაგება. ტრანსპორტი, რაზეც გარევაჭრობა ხორციელდება, მერიისთვის გამოყოფილ ტერიტორიაზე საწყობდება.
მუნიციპალური ინსპექციის მიერ გარევაჭრობაზე მონიტორინგი 24 საათის განმავლობაში ხორციელდება. ღამის საათებში მოხდა ბაზრის მიმდებარე ტერიტორიიდან უსახური ინვენტარის გატანა; მათ შორის ქოლგები, თვითნებურად დამზადებული ბოძკინტები და დახლები,”- წერია მუნიციპალური ინსპეციის მიერ გავრცელებულ განცხადებაში.
