ბათუმში ავტომობილების პარკირების ახალი სისტემის პრობლემაზე საუბრობს ოპოზიცია. “ერთიანი ნაციონალური მოძრაობის” წევრ რეზო ხარაზის მტკიცებით, მერიის მიერ შემუშავებული ახალი ჯარიმები და სანქციები მძღოლებს სიტუაციას ვერ უმსუბუქებს.
მისივე განცხადებით, ახლად შექმნილი პორტალი გაუმართავი და მიუწვდომელია.
“მხოლოდ საჯარიმო სანქციები შემოიღეს. ის პორტალი, რომელიც შექმნეს, არ მუშაობს. ნაცვლად იმისა, რომ ახალი საპარკინგე სივრცეები შეეთავაზებინათ, ქალაქის მერიამ და ქალაქის მერმა 200 ათას ლარად ავტომობილები იყიდა. შეიძლება ითქვას, რომ ურთულესი პრობლემაა არამარტო ადგილობრივებისთვის, არამედ ჩამოსული სტუმრებისთვისაც”- აცხადებს,რეზო ხარაზი.
ბათუმის მერიაში საპასუხო კომენტარი არ გაუკეთებიათ.
