აჭარის განათლების მინისტრმა მრჩეველი, ჯუმბერ ვარდმანიძე დაკავებული თანამდებობიდან გაათავისუფლა. მაია ხაჯიშვილმა ბრძანებას ხელი უკვე მოაწერა.
გაირკვა, რომ ჯუმბერ ვარდმანიძე აზარტულ თამაშებზე იყო დამოკიდებული, ის ასევე, ხელვაჩაურის მერიაში გაფლანგული მილიონების საქმეშიც ფიგურირებს. ჯუმბერ ვარდმანიძემ სახლიც უკანონოდ ააშენა, რის გამოც წლების წინ სკანდალში გაეხვა.
კულუარებში საუბრობენ იმასაც, რომ შესაძლოა პროცესები ვარდმანიძის დაკავებით დასრულდეს. ყოფილი საჯარო მოხელე ხელვაჩაურის ბიუჯეტიდან მოპარული ფულის საქმეზე ოქროს მოწმე და პროცესში მონაწილე პირია.
