ხელვაჩაურის მერის მოადგილემ თანამდებობა დატოვა – ინფორმაცია რამდენიმე წუთის წინ გახდა ცნობილი. თანამდებობის დატოვების შესახებ ინფორმაცია კახა ფუტკარაძემ ფეისბუქზე გაავრცელა.
შეგახსენებთ, საქმე ეხება ნახევარი მილიონი ლარის სავარაუდო მითვისებას ხელვაჩაურის წყალკანალში. უწყების ყოფილი დირექტორი ვლადიმერ მიქელაძე 2022 წელს დააკავეს. ამ სქემაში ფუტკარაძის შვილის ჩართულობის შესახებ ინფორმაცია გუშინ სასამართლო პროცესზე გახდა ცნობილი, სადაც ბუღალტერმა დაკითხვის დროს თქვა, რომ “ხელვაჩაურის წყალში” ფიქტიურად კახა ფუტკარაძის შვილი, თორნიკე ფუტკარაძე იყო დასაქმებული და ხელფასის სახით 1040 ლარი ერიცხებოდა.
