მდინარე კინტრიშში ინერტული მასალის მოპოვების შეჩერების მოთხოვნით დღეს ქობულეთში აქცია გაიმართა. როგორც გელაურში მცხოვრებლები აცხადებენ, სამუშაოები დარღვევებით მიმდინარეობს, რამაც მდინარის სანაპიროზე საფრთხის შემცველი პროცესები გამოიწვია.
ადგილზე ქობულეთის მერი და გარემოს ზედამხედველობის დეპარტამენტის წარმომადგენლები მივიდნენ. ლევან ზოიძე მოსახლეობას დახმაღებას დაპირდა.
მერის განცხადებით, მდინარიდან ინერტული მასალის გატანა კანონის სრული დაცვით ხორციელდება. მისივე ინფორმაციით, მდინარე კინტრიშზე ფერდსამაგრი კედლის მშენებლობასთან დაკავშირებით მოსახლეობასთან კონსულტაციებს გამართავენ და ოპტიმალურ გადაწყვეტილებას მიიღებენ.
