შშმ პირისთვის განკუთვნილ ადგილზე დარღვევით დგომისთვის საჯარიმო სანქცია 4-ჯერ გაიზარდა, ამის შესახებ ინფორმაციას ბათუმის მუნიციპალური ინსპექციის სამსახური ავრცელებს. უწყების ცნობით, არასწორი პარკირებისთვის მძღოლები 50 ლარის ნაცვლად 200 ლარით დაჯარიმდებიან.
საკანონმდებლო ცვლილება შეეხო ველობილიკზე არასწორი პარკირების მუხლსაც. სამართალდამრღვევს 50-ის ნაცვლად 100 ლარის გადახდა მოუწევს.
პარკირებისა და ტრანსპორტის ზედამხედველობის სამსახურის მიერ ბოლო სამი თვის განმავლობაში გამოვლინდა 9 296 სამართალდარღვევა, მათ შორის:
• 2 328- პარკირების საფასურის გადახდის გარეშე დგომა;
• 2 369 – ტროტუარზე დგომა;
• 3 808 – დგომა-გაჩერებისა და სხვა ნიშნების დარღვევა;
• 469 – ავტობუსის გაჩერებაზე დგომა;
• 276 – ველობილიკზე არასწორი პარკირება;
• 46 – შშმ პირის ტრანსპორტისთვის განსაზღვრულ ადგილზე დგომა;
• 156 – ევაკუირებულია
