აჭარის უმაღლეს საბჭოსთან და ხელვაჩაურის მერიის ადმინისტრაციულ შენობასთან ოპოზიციამ გლოვის ნიშნად
დროშები დაუშვა. როგორც ოპოზიციის წარმომადგენლები აცხადებენ, ხელისუფლებამ უკრაინაში ხუთი ქართველი მებრძოლის დაღუპვის გამო 6 დეკემბრის გლოვის დღედ გამოცხადებაზე უარი განაცხადა.
როგორც აჭარის უმაღლესი საბჭოს წევრი “ერთიანი ნაციონალური მოძრაობიდან”, ლევან ანთაძე, აცხადებს, ქვეყნის ტრაგედიაა ქართველი მებრძოლების დაღუპვა.
“ეს არის სახალხო გლოვის დღე. ეს მებრძოლები იბრძოდნენ საქართველოს დამოუკიდებლობისთვის, ისინი აკავებენ აგრესორ რუსებს. ეს არის საქართველოსთვის და მშვიდობისთვის ბრძოლა,“ – აცხადებს ლევან ანთაძე.
