საქართველოს პარლამენტის წევრმა, ანზორ ბოლქვაძემ, ბოლო 6 წლის განმავლობაში, სახელმწიფო ბიუჯეტიდან საკუთარ ავტომობილს 70 ათასი ლარი დაახარჯა – ამის შესახებ განცხადება ანტიკორუფციული მოძრაობის წევრებმა გააკეთეს.
დღეს გამართულ ბრიფინგზე მათ წარადგინეს დოკუმენტაცია, რომლითაც დგინდება, რომ 2016 წლიდან დღემდე, ბოლქვაძე საწვავთან ერთად, საკუთარი მანქანის რემონტისათვის თანხას ყოველწლიურად ბიუჯეტიდან ხარჯავს. ანტიკორუფციული მოძრაობის წევრების განცხადებით, ანზორ ბოლქვაძე, რომელიც საკმაოდ დიდ ქონებას ფლობს, სწორედ ქართული ოცნების პირობებში გამდიდრდა და ის პარლამენტარობის პრივილეგიას მანქანის ხარჯებისთვისაც იყენებს.
ლევან გორგილაძე პარალელს ავლებს ნიკა გვარამიას საქმესთან, რომელიც საქალაქო სასამართლომ პატიმრობაში სწორედ კერძო კომპანიის ავტომანქანით სარგებლობისთვის გაუშვა.
