ქობულეთის მუნიციპალიტეტში სოფელ ზედა კვირიკეში ტურისტული მნიშვნელობის საავტომობილო გზაზე სარეაბილიტაციო სამუშაოები დასრულდა, ამის შესახებ ინფორმაციას გზების დეპარტამენტი ავრცელებს.
უწყების ცნობით, პროექტის ფარგლებში 3,85 კმ. სიგრძის საავტომობილო გზაზე მოეწყო ასფალტობეტონის საფარი სანიაღვრე არხებით, ხელოვნური და დამცავი ნაგებობებით.
პროექტი გასულ წელს დაიწყო და მიმდინარე წელს დასრულდა. სახელშეკრულებო ღირებულებამ შეადგინა 2 269 115 ლარი. რეაბილიტირებული გზით 80-მდე ადგილობრივი მაცხოვრებელი შეძლებს კომფორტულ და უსაფრთხო გადაადგილებას.
