ჩაქვის სკოლის დირექტორს მანქანა დაეჯახა. ტარიელ ქათამაძე ახლა მძიმე მდგომარეობაში თურქეთის ერთ-ერთ კლინიკაშია მოთავსებული. ავტოსაგზაო შემთხვევა რამდენიმე დღის წინ მოხდა.
“ორი დღეა არ წყდება ზარები, ყველას ვერ გავეცი პასუხი, მადლობა ყველას ტარიელის ამბის მოკითხვისა და თანადგომისათვის. ცნობისათვის: ტარიელს, როგორც ფეხით მოსიარულეს, 23 ოქტომბერს 20:30 წუთზე დაეჯახა მსუბუქი ავტომობილი, რის შედეგადაც მიიღო მძიმე დაზიანებები.
24 ოქტომბერს დილით გადავიყვანეთ თურქეთში სამსუნის ერთ-ერთ სამედიცინო კლინიკაში, სადაც გავდივართ მკურნალობას. მდგომარეობა სტაბილურია, თუმცა მრავლობითი მოტეხილობები ამძიმებს ტარიელის დროულ გამოჯანმრთელებას. ამ მძიმე ავარიაში უფალმა დაგვიფარა რომ გადავრჩით, ღმერთის წყალიბით ყველაფერი კარგად დასრულდება,” – წერს ტარიელ ქათამაძის მეუღლე სოციალურ ქსელში.
