ბათუმში ცეცხლსასროლი იარაღით სამი ადამიანი დაჭრეს. შემთხვევა
ცოტა ხნის წინ ძველ ბულვარში, სასტუმრო “ლე მერიდიანის” მიმდებარედ ერთ-ერთ რესტორანში მოხდა.
“აჭარა.News”-ის ინფორმაციით ცეცხლსასროლი იარაღით დაჭრილია უცხო ქვეყნის სამი მოქალაქე, ერთი ქალი და ორი ახალგაზრდა კაცი.
დაჭრილები სასწრაფო-სამედიცინო დახმარების ბრიგადამ კლინიკა “მედცენტრში” გადაიყვანა.
კლინიკის ინფორმაციით ერთი პირის ჯანმრთელობის მდგომარეობა მძიმეა, ორის კი დამაკმაყოფილებელი. შემთხვევუს ადგილზე ექსპერტ-კრიმინალისტები და სამართალდამცავები იმყოფებიან.
ინციდენტის მიზეზი ამ ეტაპზე უცნობია.
ფოტო: TV25
