“აჭარის მასშტაბით იპოთეკური და საბანკო დავალიანებების მქონე 500-მდე ოჯახი გამოსახლების მოლოდინდია”- აცხადებს უფლებადამცველი თამაზ ბაკურიძე.
მისივე ინფორმაციით, აღსრულების პოლიციამ მიიღო დავალება, მიმდინარე წლის ნოემბრის ბოლომდე ყველა ჩანიშნული გამოსახლება განხორციელდეს. უფლებადამცველი არასამთავრობო ორგანიზაცია “2017 ქომაგის” წევრებთან ერთად საცხოვრებლის დაკარგვის საფრთხის წინაშე მყოფ ოჯახებს შეხვდა.
“ხანგრძლივი პაუზის შემდეგ ხელისუფლებამ, კერძოდ აღსრულების პოლიციამ, მიიღო დავალება, ყველა ჩანიშნული გამოსახლება აღარ გადაიდოს და გამოსახლება განხორცილდეს, თუ მხარეები არ შეთანხმდებიან . უახლოეს პერიოდში აჭარაში ჩანიშნულია დაახლოებით 500-მდე ოჯახის გამოსახლება. დღეს ბრიფინგზე ის ოჯახები იმყოფებიან, ვინც გამოსახლების პირასაა. ბრიფინგის მიზანია, ერთის მხრივ, ხელისუფლებას შევახსენოთ დაბალპროცენტიან სესხებთან დაკავშირებით გაცემული დანაპირები. მეორე მხრივ კი, ვესაუბროთ მოსახლეობას, რისკებსა და პრობლემის მოგვარების გზებზე, რათა არ დაკარგონ უკანსაკნელი საცხოვრისი”- განაცხადა თამაზ ბაკურიძემ.
