უხვმა ნალექმა გარკვეული პრობლემები შექმნა ქობულეთის მუნიციპალიტეტში. მდინარე აჭყვისთავის ადიდების შედეგად დატბორილია აგრარული ბაზარი და მიმდებარე ტერიტორია, საკარმიდამო ნაკვეთები და ბაზრამდე მისასვლელი ცენტრალური გზა. ადგილობრივების ინფორმაციით, მსგავსი მდგომარეობა წვიმის დროს მუდმივად არის ქობულეთში.
“გაწვიმდება თუ არა, დატბორილია აქაურობა. ასე გრძელდება უკვე წლების განმავლობაში. მიზეზი კი ის არის, რომ მდინარე აჭყვას კალაპოტი ქვა-ღორღითაა სავსე და საჭიროა გაიწმინდოს, რათა წვიმის დროს არ გადმოვიდეს კალაპოტიდან .არაერთხელ მივმართეთ მერიას, თუმცა არაფერი შეცვლილა და პრობლემა კვლავ მოუგვარებელია”- აცხადებს ადგილობრივი.
