TV25-ის ინფორმაციით, “ქართული ოცნების” მაღალჩინოსანი ცოლზე ძალადობის ბრალდებით დააკავეს. არჩილ ბარამიძეს საგამოძიებო ორგანოს თანამშრომლებმა ბრალდება სისხლის სამართლის კოდექსის 126-ე პრიმა მუხლით წარუდგინეს, რაც ოჯახში ძალადობას გულისხმობს.
ბარამიძე ბათუმის სპორტული ცენტრის დირექტორი იყო. იგი თანამდებობიდან ბათუმის მერმა, არჩილ ჩიქოვანმა ერთი კვირის წინ გაათავისუფლეს.
შეგახსენებთ, არჩილ ბარამიძე 2019 წლის 7 აგვისტოდან 2022 წლის 25 იანვრამდე ხელვაჩაურის მერიაში მუშაობდა. იგი მუნიციპალიტეტის მერის მოადგილე იყო. მანამდე ბარამიძე ხელვაჩაურში, “ქართული ოცნების” აღმასრულებელი მდივანი იყო.
