ერთიანი დიპლომისშემდგომი საკვალიფიკაციო და სახელმწიფო სასერტიფიკაციო გამოცდების, 2022 წლის საშემოდგომო სესიაზე რეგისტრაცია დაიწყო. გამოცდებზე რეგისტრაცია 29 აგვისტოდან 9 სექტემბრის ჩათვლით იქნება შესაძლებელი. საკვალიფიკაციო გამოცდაზე მაძიებელთა რეგისტრაცია შესაძლებელია on-line რეჟიმში, აღნიშნულ ბმულზე.
რეგისტრაციის გავლის შემდეგ, გამოცდაზე დაშვებულ მაძიებლებს, სატელეფონო შეტყობინებით ეგზავნება ინფორმაცია გამოცდის თარიღისა და დროის თაობაზე. სახელმწიფო სასერტიფიკაციო გამოცდაზე განაცხადების რეგისტრაცია მიმდინარეობს თბილისის სახელმწიფო სამედიცინო უნივერსიტეტის III კორპუსში, მისამართზე – ვაჟა-ფშაველას გამზირი N29. რეგისტრაცია შესაძლებელია სამუშაო დღეებში, 10:00-დან 18:00 საათამდე, (შესვენება 13:00-14:00სთ.)
შესაბამისი საბუთის წარმოდგენის შემთხვევაში, გადასახადისგან გათავისუფლდებიან: საქართველოს ოკუპირებული ტერიტორიებიდან დევნილი, ასევე შშმ სტატუსის მქონე პირები, ომისა და სამხედრო ძალის ვეტერანები, სოციალურად დაუცველი ოჯახების მონაცემთა ერთიან ბაზაში რეგისტრირებული პირები,’ რომელთა ოჯახის სოციალურ-ეკონომიკური მაჩვენებელი ტოლია ან ნაკლებია 100 000 ქულაზე.
გამოცდებთან დაკავშირებული დეტალური ინფორმაცია განთავსებულია სამედიცინო და ფარმაცევტული საქმიანობის რეგულირების სააგენტოს ვებგვერდზე.
