გამოცდების ეროვნული ცენტრი აბიტურიენტებს მიმართავს. უწყების მიერ გავრცელებულ ინფორმაციას უცვლელად გთავაზობთ:
,,იმ აბიტურიენტებს, რომლებსაც აპელაციის შედეგად შეეცვალათ შეფასება ან უარი თქვეს საპრეტენზიო განაცხადის წარდგენაზე, განცხადების საფუძველზე აპელაციისათვის გადახდილი თანხა უკან დაუბრუნდებათ.
ერთიანი ეროვნული გამოცდების ნაშრომების გასაჩივრებისთვის გადახდილი თანხის დასაბრუნებლად შევსებული განცხადებები მიიღება 26 აგვისტოს 10:00 საათიდან 26 სექტემბრის 18:00 საათამდე ელექტრონულად სპეციალური პროგრამის გამოყენებით.
თანხა თქვენ მიერ მითითებულ ანგარიშებზე ჩაირიცხება განცხადებების მიღების დასრულებიდან ერთი თვის განმავლობაში”, – აღნიშნულია ინფორმაციაში, რომელიც გამოცდების ეროვნულმა ცენტრმა გაავრცელა.
