ბობოყვათის სამკერვალო საწარმოს ორი თანამშრომელი ქალი, სავარაუდოდ, ბუნებრივი აირის ინტოქსიკაციით, გუშინ ქობულეთის “ევექსის” კლინიკაში გადაიყვანეს. როგორც წყარო კლინიკიდან “აჭარა.News”– ს უყვება, ორივე პაციენტის ანალიზების შედეგად ბუნებრივი აირით ინტოქსიკაცია დადასტურდა. მათი ჯანმრთელობის მდგომარეობა ამ ეტაპზე დამაკმაყოფილებელია.
საწარმოს დირექტორის განცხადებით, გავრცელებული ინფორმაცია თანამშრომლების საწარმოში გაზით ინტოქსიკაციის შესახებ სიმართლეს არ შეესაბამება. მისივე თქმით, საწარმოს ტერიტორიაზე ბუნებრივი აირი არ არის შეყვანილი, ამდენად გამორიცხულია გაზით ინტოქსიკაცია.
“აჭარა.News”-ის ინფორმაციით, სამკერვალო საწარმოს მიმდებარე ტერიტორიაზე, დაახლოებით 100 მეტრში სოფელში მერიის წარმომადგენელი არხის გაწმენდით სამუშაოებს აწარმოებდა, რა დროსაც გაზის მილი დაზიანდა და გარკვეული დროის გაბმავლობაში ბუნებრივი აირი ჰაერში იფრქვეოდა.
საკითხის გასარკვევად გენო თამაზაშვილთან დაკავშირება ვცადეთ, თუმცა ის ჩვენს სატელეფონო ზარებს არ პასუხობს.
ფოტო: არქივი
