დღეს მარნეული-კოდის გზაზე მომხდარ ავტოსაგზაო შემთხვევას ბოლნისის რაიონული სასამართლოს მოსამართლე ლევან ბარდაველიძე ემსხვერპლა – ინფორმაციას საქართველოს უზენაესი სასამართლო ავრცელებს.
“საქართველოს უზენაესი სასამართლო ღრმა მწუხარებას გამოთქვამს დღეს მომხდარი უბედური შემთხვევის შედეგად ბოლნისის რაიონული სასამართლოს მოსამართლის, ლევან ბარდაველიძის მოულოდნელი გარდაცვალების გამო და გულწრფელ სამძიმარს უცხადებს ბატონი ლევანის ოჯახს, მის ახლობლებსა და კოლეგებს,” – წერია საქართველოს უზენაესი სასამართლოს ფეისბუქ გვერდზე.
შინაგან საქმეთა სამინისტროს ინფორნაციით ფაქტზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
