საქართველოს ჭადრაკის ფედერაციის ინფორმაციით, 15-28 სექტემბერს ბათუმში, მსოფლიოს კადეტთა ჩემპიონატი გარდება, რომელშიც რუსები მონაწილეობენ. ფედერაციაში ამბობენ, რომ ოკუპანტი ქვეყნის წარმომადგენლები ჩემპიონატში რუსეთის სახელით ვერ იასპარეზებენ.
“რუსი და ბელორუსი მოჭადრაკეები FIDE – International Chess Federation-ის დროშით იასპარეზებენ. საერთაშორისო წესების თანახმად რუს და ბელორუს სპორტსმენებს არ შეუძლიათ მონაწილეობა საკუთარი ქვეყნის სახელით. ასევე, არ შეუძლიათ მონაწილეობა გუნდურ ჩემპიონატებში, მხოლოდ პირად ასპარეზობებზე საერთაშორისო ორგანიზაციების სახელით. ორგანიზატორი მხარე ვალდებულია უზრუნველყოს ყველა მონაწილის უსაფრთხოება,” – აცხადებენ საქართველოს ჭადრაკის ფედერაციაში.
