აჭარის მთავრობის სახლთან მეიჯარეებმა საპროტესტო აქცია გამართეს და საპლაჟე სერვისებზე გამოცხადებული აუქციონი გააპროტესტეს.
აქციის მონაწილეები პირდაპირი ხელშეკრულების გაფორმებას ითხოვენ.
როგორც ისინი აცხადებენ, პანდემიის პერიოდში საპლაჟე სერვისებზე აუქციონი არ გამოცადებულა და პირდაპირი ხელშეკრულებები გაუფორმეს.
აქციის მონაწილეების ინფორმაციით, მათ აქვთ საბანკო დავალიანება, პანდემიის დროს დაზარალდნენ და ითხოვენ, მიმდინარე წელს არ ჩატარდეს აუქციონი.
აქციის მონაწილეები აჭარის მთავრობის თავმჯდომარესთან შეხვედრას ითხოვდნენ, თუმცა მთავრობის ადმინისტრაციაში მათ უთხრეს, რომ დღეს არასამუშაო დღეა.
