მცხობელმა ესროლა კონკურენტ თონეს, რომლის მეპატრონეც პურს იაფად ყიდდა. შემთხვევა თურქეთში, ეპეზის რაიონში, ოსმან სოილუს კუთვნილ საცხობში მოხდა.
თურქული მედიის ინფორმაციით, დაზარალებული პურს საბაზრო ღირებულებაზე გაცილებით იაფად ყიდდა. ი.ა.-მ მანქანიდან სანადირო თოფი გადმოიღო და საცხობის მიმართულებით რამდენჯერმე გაისროლა, შედეგად ობიექტზე არსებული მინები ჩაიმსხვრა. ინციდენტის შემდეგ ბრალდებული შემთხვევის ადგილიდან მიიმალა.
ოსმან სოილუ საცხობში 9 თვის ორსულ მეუღლესთან და პერსონალთან ერთად იმყოფებოდა. თავდასხმის შედეგად საცხობში მყოფები სტრესში ჩავარდნენ.
შემთხვევის შედეგად არავინ დაშავებულა. ბრალდებული პოლიციამ მომხდარიდან რამდენიმე საათში დააკავა.
