ბიზნესმენმა ედნარ პაპუნაიშვილმა თურქეთის ციხეს თავი დააღწია და იგი უკვე ბათუმშია. “აჭარა.News”-ს ინფორმირებული წყარო უყვება, რომ რესტორან “სანრემოს” მფლობელის გათავისუფლება პოლიტიკური გარიგების საფუძველზე მოხდა.
“აჭარა.News”-ის ინფორმაციით, თურქეთის მხარემ პაპუნაიშვილის გათავისუფლების სანაცვლოდ გალიფ ოზთურქის დაპატიმრება მოითხოვა, რომელიც მეზობელ ქვეყანაში წითელი ცირკულარით იძებნება.
შინაგან საქმეთა სამინისტროში ამ დრომდე არ ამბობენ რის გამო დააკავეს ბიზნესმენი პაპუნაიშვილი ტრაპზონის აეროპორტში, დეტალები გასაიდუმლოებულია.
“აჭარა.News” სკანდალური თემის ირგვლივ მუშაობას აგრძელებს და დამატებითი დეტალების გარკვევას ცდილობს.
შეგახსენებთ, ედნარ პაპუნაიშვილი პრემიერ ირაკლი ღარიბაშვილთან და აზერბაიჯანში საქართველოს ელთან, ზურაბ პატარაძესთან დაახლოებული პირია. ჩვენი ინფორმაციით, მისი გათავისუფლების პროცესში აქტიურად მონაწილეობდა ზურაბ პატარაძე.
