ქობულეთის ინფრასტრუქტურის სამსახურის უფროსი ზაზა კაიკაციშვილი ქობულეთის სანდასუფთავების სამსახურის უფროსის მოადგილედ დაინიშნა. როგორც ზაზა კაიკაციშვილი “აჭარა.News”-თან საუბრისას აცხადებს, თანამდებობა საკუთარი განცხადების საფუძველზე დატოვა.
“გარკვეული წლები ვიმუშავე ქობულეთის ინფრასტრუქტურის სამსახურის ხელმძღვანელად. ამ პერიოდის განმავლობაში ბევრი ძალიან კარგი პროექტი განვახორციელეთ გუნდთან ერთად. ახლა მინდა, რომ სხვა სფეროში მოვსინჯო ძალები. ამიტომ გადავედი სხვა პოზიციაზე. მართლაც მნიშვნელოვანი სამსახურია. უკვე რამდენიმე დღეა შევუდექი ახალ სამსახურში საქმიანობას,”- აცხადებს ზაზა კაიკაციშვილი.
ამ ეტაპზე ინფრასტრუქტურის სამსახურის უფროსის პოზიცია ვაკანტურია. როდის გამოცხადდება კონკურსი აღნიშნულ თანამდებობაზე, უცნობია.
