ერთი ადამიანი გარდაიცვალა ავარიის შედეგად ქედაში. ავტოსაგზაო შემთხვევა სოფელ მერისში მოხდა.
”აჭარა.News”-ის ინფორმაციით, მსუბუქი ავტომობილი, რომელსაც 32 წლის ნიკა გორგაძე მართავდა, გზიდან ხევში გადავარდა.
შემთხვევის დროს ავტომობილში მხოლოდ მძღოლი იმყოფებოდა.
დაშავებული მძიმე დაზიანებებით ქედის “ევექსის” კლინიკაში შეიყვანეს.
სამედიცინო დაწესებულებაში განმარტეს, რომ პაციენტი საავადმყოფოში შეყვანისთანავე გარდაიცვალა.
გარდაცვლილს მეუღლე და ორი მცირეწლოვანი შვილი ჰყავს.
