B და BE კატეგორიების სატრანსპორტო საშუალებების მართვის მოწმობის მისაღებად პრაქტიკული გამოცდის ჩაბარება დღეიდან ქუჩაშია შესაძლებელი. ცვლილების მიხედვით პრაქტიკული გამოცდა ორეტაპიანი გახდა. პირველი ეტაპი დახურულ მოედანზე, ხოლო მეორე – რეალური საგზაო მოძრაობის პირობებში ჩატარდება.
ბათუმში ორი საგამოცდო მარშრუტია დამტკიცებული.
1) ორბელიანის ქუჩაზე მომსახურების სააგენტოს ტერიტორიიდან იწყება და გეძელდება შემდეგ ქუჩებზე: გენერალ ასლან აბაშიძის ქუჩა, ჟიული შარტავას გამზირი, პუშკინის ქუჩა, ლუკა ასათიანი, ჭავჭავაძე, ჟიული შარტავას გამზირი, გენერალ ასლან აბაშიძის ქუჩა, ორბელიანის ქუჩა.
2) ხოლო მეორე საგამოცდო მარშრუტი იწყება მომსახურების სააგენტოს ტერიტორიიდან და შემდეგ ქუჩებზე გრძელდება: ორბელიანის ქუჩა, გენერალ ასლან აბაშიძის ქუჩა, ჟიული შარტავას გამზირი, შერიფ ხიმშიაშვილის ქუჩა, ლეხ და მარია კაჩინსკის და უკან ლეხ და მარია კაჩინსკების ქუჩა, შერიფ ხიმშიაშვილი, ჟიული შარტავას გამზირი, გენერალ ასლან აბაშიძის ქუჩა, ორბელიანის ქუჩა.
