50 წლამდე ასაკის კაცი დაჭრეს. მას თავის, კისრის და კიდურების არეში 15-მდე ჭრილობა აქვს მიყენებული.
“აჭარა.News”-ის ინფორმაციით, დაჭრილი კაცი “გორმედის სამედიცინო ცენტრში” ცოტა ხნის წინ შეიყვანეს, მისი ჯანმრთელობის მდგომარეობა სტაბილურად მძიმეა.
როგორც ირკვევა კრიმინალური დაპირისპირება გორში, წმინდაწყლის დასახლებაში მოხდა, სამართალდამცველებმა კი ავტომობილი შემთხვევით იმ დროს გააჩერეს, როდესაც დაჭრილის გადამალვას ცდილობდნენ.
პოლიციამ მრავლობითი დაზიანებებით, მძიმე მდგომარეობაში მყოფი კაცი შემთხვევით აღმოაჩინა. რაც შეეხება კრიმინალურ შემთხვევის დეტალებს, უცნობია.
შინაგან საქმეთა სამინისტროს ინფორმაციით, მომხდარზე გამოძიება, სისხლის სამართლის კოდექსის, 19 /108 მუხლით მიმდინარეობს, რაც განზრახ მკვლელობის მცდელობას გულისხმობს.
