“აჭარაNews”-ის ინფორმაციით, სოფელ დაგვას კულტურის სახლი გაქურდეს. შემთხვევა, სავარაუდოდ, გუშინ მოხდა.
კულტურის სახლის ანსამბლის ხელმძღვანელის ინფორმაციით, მოპარულია კულტურის სახლის სარეპეტიციო დარბაზი არსებული სპილენძის მეტალისგან დამზადებული ხუთი ჭაღი, ასევე მოპარულია ბავშვთა ანსამბლის ფორმები.
გარდა ამისა, დაზიანებულია დარბაზის კარი, აყრილია ხის იატაკი, წაღებულია სკამების ნაწილი, ჩამსხვრეულია მინები. აღნიშნული კულტურის სახლი ქობულეთის მერიის ბალანსზე ირიცხება. შენობას დარაჯი არ ჰყავს. ადგილზე იმყოფებიან სამართალდამცავები.
