შინაგან საქმეთა სამინისტროს პრესსამსახურის ინფორმაციით, ზუგდიდში, სავარაუდოდ, პოლიციელის მიერ ქალზე ძალადობის ფაქტზე გენერალურმა ინსპექციამ სამსახურებრივი მოკვლევა დაიწყო.
25 იანვარს დროას წევრმა, მარიამ სიჭინავამ ფეისბუქზე ვიდეო გამოაქვეყნა და დაწერა: “ზუგდიდი. ჩხოუშიის სანაპირო. ფორმიანი პოლიციელი ფიზიკურად ძალადობს ქალზე”.
“ვიცი, რომ ნამდვილად პოლიციის თანამშრომელია ასახული ვიდეოზე. ვაპირებ, რომ წავიდე სამმართველოში, მივიტანო ვიდეომტკიცებულება და ბოლომდე მივყვები ამ ამბავს”, – აღნიშნავს სიჭინავა.
