ალერგოლოგ-იმუნოლოგ ბიძინა კულუმბეგოვის განცხადებით, თბილისში დაფიქსირებული კორონავირუსის შემთხვევების 80% ომიკრონის შტამია. მისივე თქმით, ომიკრონით ინფიცირების მაჩვენებელი რეგიონებში 40-60%-ია. ამასთან ბიძინა კულუმბეგოვი ვარაუდობს, რომ ომიკრონის გავრცელების პიკი თებერვლის პირველ ნახევარში იქნება.
“დღეს, როგორც ვიცით, ჩვენ ძირითადი მონაცემებით, თბილისში თითქმის 80% ომიკრონის შტამია, რეგიონებში ეს 40-დან 60%-მდე მერყეობს. თუ შევხედავთ სხვა ქვეყნის მაგალითებს, გამოჩენიდან დაახლოებით 8 კვირა მაინც დასჭირდა, სანამ თითქმის 100%-ით ჩაანაცვლა ომიკრონმა.
ჩვენთან ეს იყო დაფიქსირებული დაახლოებით 20 დეკემბერს, თუ არ ვცდები. ალბათ, იქამდეც ცირკულირებდა. მოკლედ იანვრის ბოლოს, თებერვლის პირველ ნახევარში საქართველოში, დიდი ალბათობით, ომიკრონი იქნება ძირითადი ვარიანტი”, – განაცხადა ბიძინა კულუმბეგოვმა.
