ნამოხვანჰესის მხარდამჭერ აქციაზე მომხდარი ინციდენტის გამო დაკავებული ბათუმელი სპორცმენების სასამართლო პროცესი გაიმართა.
ქუთაისის საქალაქო სასამართლომ რეზო და ფირუზ წულუკიძეებს, ელდან ანთაძეს 5 წლით თავისუფლების აღკვეთა, ხოლო ძმებ ირაკლი და გელა ჭელიძეებს და მათ ბიძაშვილებს 4 წლით პატიმრობა მიუსაჯა.
შეგახსენებთ, 7 პირი რიონის ხეობაში მოქალაქეებზე ძალადობის ბრალდებით მიმდინარე წლის აპრილში ბათუმში დააკავეს.
შინაგან საქმეთა სამინისტროს ინფორმაციით, იმერეთის, სასამართლო განჩინების საფუძველზე ქალაქ ბათუმში 1987 წელს დაბადებული რ.წ. 1993 წელს დაბადებული ფ.წ. 1997 წელს დაბადებული თ.ჭ. 1995 წელს დაბადებული თ.ჭ. 1999 წელს დაბადებული გ.ჭ. და 2000 წელს დაბადებულ ი.ჭ. ჯგუფური ძალადობის ორგანიზებისა და მასში მონაწილეობის ბრალდებით დააკავეს.
მათივე ინფორმაციით, ბრალდებულებმა მიმდინარე წლის 12 აპრილს, ქალაქ ქუთაისში, გუმათჰესის დასახლებაში ,,ნამახვანჰესის” მშენებლობასთან დაკავშირებით მიმდინარე საპროტესტო აქციაზე, ჯგუფურად იძალადეს და ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა.
ჯგუფური ძალადობის ორგანიზების და მასში მონაწილეობის ფაქტზე გამოძიება საქართველოს სისხლის სამართლის კოდექსის 225-ე მუხლით მიმდინარეობდა.
