ქობულეთის მუნიციპალითეტის სოფელ ციხისძირის მოსახლეობამ დღეს მორიგი საპროტესტო აქცია გამართა და დასახლებულ პუნქტთან ახლოს ციტრუსის გადამუშავებული ნარჩენებისთვის სპეციალური ნაგავსაყრელის მოწყობა გააპროტესტა. როგორც ადგილობრივები აცხადებენ, ნარჩენებს აქვს მძაფრი სუნი, ასევე ეს ორმოები იქ მცხოვრები ოჯახებისთვის საფრთხის შემცველია.
მათივე ინფორმაციით, ადგილობრივ ხელისუფლებას ორშაბათამდე აძლევენ გონივრულ ვადას ტერიტორიის მოწესრიგებისთვის, წინააღმდეგ შემთხერვაში კი ნარჩენების ქობულეთის მერის კაბინეტში მიტანას აანონსებენ.
“ხედავთ რა მდგომარეობაა ციხისძირში დასახლებულ პუნქტთან ახლოს. მოიტანეს ნაგავი, მოაყარეს ადგილობრივ მოსახლეობას და პატრონი დღემდე არავინ არ ყავს. მიუხედავად იმისა, რომ ხალხს დაპირდნენ, შემოიღობებოდა, მოწესრიგდებოდა და არ იქნებოდა არანაირი დისკომფორტი ადგილობრივი მოსახლეობისთვის, ხედავთ რა დღეშია ხალხი.
აქ ჩავარდა საქონელი, ძლივს ამოიყვანეს. ამ გზით სკოლაში გადაადგილდებიან.ბავშვები. ეს ყველაფერი დიდი საფრთხის შემცველია. ამასთანავე, არსებული სუნი და მდინარეში გაჟონილი ნარჩენები წამლავს თევზს. ხალხი არის შეთანხმებული შემდეგზე, რომ თუ ეს ყველაფერი მისაღებია, თუ ორშაბათამდე არ მოწესრიგდება, მაშინ ჩვენ მოსახლეობასთან ერთად მერს უნდა შევუტანოთ სპეციალური ჭურჭლებით კაბინეტში და თან უნდა დავუგინოთ, ვინც გაიტანოს და ყნოსოს ბოლომდე”- განაცხადა ენმ-ის წევრმა ბონდო თედორაძემ.
