ბათუმის საკრებულოს წევრი “ერთიანი ნაციონალური მოძრაობიდან” რეზო ხარაზი აცხადებს, რომ პოლიციამ ის არ შეუშვა საკრებულოში და არ მიეცა საშუალება, განეხორციელებინა უფლებამოსილება.
“დილით მივედი საკრებულოში. მქონდა კონკრეტული საკითხები, რომელზეც მერიის შესაბამისი სამსახურებიდან პასუხების მიღება მინდოდა. ვიცემერთან ვაპირებდი შეხვედრას. არც განმარტება, არც არაფერუ, გადამიდგა წინ პოლიცია და არ მომცა,საშუალება, შევსულიყავი და ჩემი, საკრებულოს წევრის, უფლებამოსილება განმეხორციელებინა.
ჩააყენეს პოლიციის კორდონი. პირდაპირ მერმა მისცა ყველა სამსაცურს დავალება, რომ არ შეგვიშვან, არ გასცენ ჩვენს კითხვებს პასუხები.
რამდენიმე საათის ლოდინის შემდეგ, გამოვიდა ჩიქოვანი, სადღაც მიდიოდა და სიტყვიერი დაპირისპირება მოგვივიდა. ჩემს კითხვაზე, რატომ არ გვიშვებდნენ, ძალიან უზრდელურად და შეურაცხმყოფელად მიპასუხა, რომ ჩვენ არ გვთვლის საკრებულოს წევრებად, ჩვენ არ გვთვლის ადამიანებად, ვინც რაღაცას წარმოვადგენთ, მისი თვალსაზრისით. პოლიცია ისევ რჩება ადგილზე, ისევ არ გვიშვებენ არც ერთ ოპოზიციონერ დეპუტატს. მე ვაპირებ მუშაობას, მაქვს ჩემი კომპეტენცია. რამდენ ხანს არ შეგვიშვრბენ? სადაც წავა, იქ მივაკითხავ და მოუწევს ჩვენს კითხვებზე პასუხის გაცემა”- განაცხადა რეზო ხარაზმა
