გიორგი აბრამიშვილის სახელობის თავდაცვის სამინისტროს სამხედრო ჰოსპიტალი ავრცელებს ვიდეო კადრებს, სადაც საქართველოს მესამე პრეზიდენტის მოთავსებაა დაგეგმილი.
დაწესებულების მიერ გავრცელებულ განცხადებაში წერია, რომ ჰოსპიტალი წარმოადგენს მრავალპროფილურ სტაციონარულ სამედიცინო დაწესებულებას, ასევე, ჰოსპიტალი ემსახურება როგორც სამხედრო, ისე სამოქალაქო პირებს, სადაც შესაძლებელია 24 საათიანი გადაუდებელი და გეგმიური სამედიცინო მომსახურების მიღება.
“სამხედრო ჰოსპიტალი დაკომპლექტებულია სხვადასხვა პროფილის მაღალკვალიფიციური ექიმებით და აღჭურვილია უახლესი სამედიცინო აპარატურით, რომელიც აკმაყოფილებს სამედიცინო სფეროში არსებულ თანამედროვე მოთხოვნებსა და სტანდარტებს,” – წერია გავრცელებულ განცხადებაში.
