ხანძარია ხულოს მუნიციპალიტეტის სოფელ ღურტაში.“აჭარაNews”-ის ინფორმაციით, ცეცხლი საცხოვრებელ სახლს გაუჩნდა.
ხულოს მუნიციპალიტეტის მერის პირველი მოადგილის თქმით, საცხოვრებელი სახლი მთლიანად დაიწვა. შემთხვევის დროს სახლში ერთი ასაკოვანი ადამიანი იმყოფებოდა. საბედნიეროდ მისი გადარჩენა მოხერხდა.
“საცხოვრებელი სახლი მთლიანად დაიწვა, ხის შენობა იყო. საბედნიეროდ არავინ დაშავებულა. ცეცხლი გვერდით მდებარე საცხოვრებელ სახლზეც გადავიდა, თუმცა სახანძრო-სამაშველო ბრიგადების სწრაფი რეაგირების შედეგად, ცეცხლი ლიკვიდირებულია. მეზობლად მდებარე სახლები არ დაზიანებულა.
დაზარალებულებს ქირით გავიყვანთ ალტერნატიულ საცხოვრებელ ფართში. შევისწავლით ზარალს და სარეზერვო ფონდიდან გავუწევთ ოჯახს დახმარებას”- განაცხადა ნადიმ ვასაძემ “აჭარაNews”-თან საუბრისას.
ამ ეტაპზე ხანძრის გამომწვევი მიზეზი უცნობია.
