„TV25”-ის ჟურნალისტზე ფიზიკური და სიტყვიერი შეურაცხყოფის ფაქტზე გამოძიება დაიწყო, ამის შესახებ ინფორმაციას ტელეკომანია ავრცელებს.
მაუწყებლის ინფორმაციით, კადრებით დაფიქსირებული მტკიცებულებების მიუხედავად, შინაგან საქმეთა სამინისტრომ მომხდარზე რეაგირება, ერთი დღის დაგვიანებით, მხოლოდ მიმართვის საფუძველზე მოახდინა. ჟურნალისტი, თეო ფუტკარაძე, ამ წუთებში, გამოკითხვაზე იმყოფება.
მომხდარზე გამოძიება სსკ-ის 124-ე და 151-ე მუხლებით დაიწყო, რაც მუქარასა და ძალადობას გულისხმობს. დანაშული 1-დან სამ წლამდე პატიმრობას ითვალისწინებს.
რეპორტიორის ინტერესებს ორგანიზიაცია „კოალიცია მედია ადვოკატირებისთვის“ და “საქართველოს ახალგაზრდა იურისტთა ასოციაცია” დაიცავენ.
