ეკონომიკის მინისტრმა, ნათია თურნავამ ლარის კურსის შესახებ ისაუბრა. მისი თქმით, ეროვნული ვალუტის კურსი საკმაოდ მყარია.
“ჩვენი ეროვნული ვალუტა არ მერყეობს და მისი კურსი არის საკმაოდ მყარი და ეს, გარკვეულწილად, აპირწონებს, ანეიტრალებს ამ ტენდენციას. ზოგადად, ინფლაცია, რა თქმა უნდა, არის პრობლემა. მაღალი ინფლაცია კოვიდვითარებაში ეს ისეთი პრობლემაა, რომელსაც ბევრი ქვეყანა შეეჯახა, თუმცა პირველად გვქონდა ჩვენ წინა თვეში სტატისტიკური კლების ნიშანი და მომავალ წელს ეს პრობლემა დასტაბილურდება, ინფლაცია დაუბრუნდება თავის ნიშნულს”, – აცხადებს ნათია თურნავა.
