მაჯუნი ტრადიციული ქობულეთური დესერტია, რომელსაც ძველად კარგი გემოს გარდა რიტუალური დანიშნულებაც ჰქონდა. კერძოდ, მას ქორწილის წინა დღეს მოწვეული სტუმრებისთვის ამზადებდნენ, ასევე ახალ წელს, ბაირამზე, მიცვალებულის სულის მოსახსენებელ სუფრაზე. ეს გახლავთ ტკბილ- მწარე სასიამოვნო დესერტი, რომლის რეცეპტსაც ნატა ხალვაში გვიზიარებს.
ინგრედიენტები:
- მრგვალი ბრინჯი – 0.5 კგ
- შაქარი – 0.5 კგ (+2 კგ ცალკე)
- შავი პილპილი – 1 შეკვრა
მომზადების წესები:
გარეცხილ ბრინჯს დავასხათ წყალი, როგორც ფლავს – ორი ბრინჯისდენი, შუა ხარშვაში დავაყაროთ შაქარი. ცალკე ნელ ცეცხლზე დავადნოთ შაქარი ორი ჭიქა, ფერს რომ იცვლის და კარგად დადნება, ჩავასხათ ბრინჯში, ჩავყაროთ აგრეთვე პილპილი, ორი მწიკვი მარილი, შეიძლება 2 კოვზი თაფლი და ერთი შეკვრა ვანილი (თუ მოგესურვებათ, არ არის აუცილებელი).
მივიყვანოთ ბრინჯი მოხარშვამდე, ძალიან არ ჩავაშროთ, ცხელ-ცხელი გავანაწილოთ თეფშებზე, მივირთვათ გაგრილებული. შეიძლება სინზე გადავიღოთ და გაცივების შემდეგ დავჭრა კუბებად ან როგორი ფორმითაც მოგვესურვება.
