ბათუმის ტრაგედიის შემდეგ მუნიციპალურ ინსპექციაში მოქალაქეებისგან მშენებლობის წესების შესაძლო დარღვევასთან დაკავშირებით 200-ზე მეტი ზარი შევიდა. უწყების ინფორმაციით, შესული შეტყობინებების საფუძველზე 4 დღის განმავლობაში ყველა ობიექტი გადამოწმდა.
სამშენებლო სამართალდარღვევაზე ინსპექციამ საქმის წარმოება დაიწყო ტბელ აბუსერიძის ქუჩის N9-ში, სადაც საცხოვრებელი კორპუსის პირველ სართულზე შეთანხმებული ესკიზური პროექტის დარღვევა ფიქსირდება.
მუნიციპალურ ინსპექციის მიერ მეპატრონეს გადაეცა წერილობითი მითითება, მოიყვანოს ობიექტი თავდაპირველ მდგომარეობაში. მითითების შეუსრულებლობის შემთხვევაში, გატარებული იქნება კანონით გათვალისწინებული შესაბამისი ღონისძიებები.
