სააღმზრდელო პროცესის განახლებიდან მესამე დღეს ბათუმის 33-ე საბავშვო ბაღი ორი კვირით დაიხურა. ბათუმის ბაღების გაერთიანების დირექტორის მოვალეობის შემსრულებელ, ჯონი საბაშვილის ინფორმაციით, კორონავირუსი დაუდასტურდა ორ აღსაზრდელს, მესამე აღსაზრდელის ტესტის პასუხს კი ელოდებიან. ვირუსი დაუდასტურდა ბაღის აღმზრდელსაც. ამ ეტაpზე კონტაქტში მყოფი ყველა პირი თვითიზოლაციაში გადავიდა.
“პროტოკოლით ვალდებული ვართ ასეთ შემთხვევაში დავხუროთ ბაღი მინიმუმ ორი კვირით. ყველა თანამშრომელს ჩაუტარდება ტესტირება. ამ ეტაპზე ჩვენი თანამშრომლების 85 % ვაქცინირებულია”- განაცხადა ჯონი საბაშვილმა.
შეგახსენებთ, საკოორდინაციო საბჭოს გადაწყვეტილებით, ბაღებში სააღმზრდელო პროცესუ, ხოლო სკოლებში საკლასო ოთახებში სწავლა 4 ოქტომბერს განახლდა. ამ დროისთვის დისტანციურ სწავლებაზეა ბათუმსა და ქობულეთში ორი კლასი, სადაც კორონავირუსი მოსწავლეებს დაუდასტურდათ.
