საყოველთაო ჯანდაცვის პროგრამის ფარგლებში გეგმური ოპერაციების დაფინანსება და ჩატარება დღეიდან, პირველი ოქტომბრიდან განახლდება.
სახელმწიფოს მიერ გეგმური ოპერაციების დაფინანსება მიმდინარე წლის აგვისტოდან, ქვეყანაში შექმნილი მძიმე ეპიდემიოლოგიური მდგომარეობის გამო შეწყდა. გამონაკლისებია სასწრაფო-დაყოვნებული ტიპის ინტერვენციები, ასევე ონკოლოგიური ოპერაციები და კარდიოქირურგიული ჩარევები.
მსგავსი შეზღუდვა მოქმედებდა პანდემიის პირველი და მეორე ტალღების პერიოდშიც და ამ რეგულაციის მიზანი იყო საწოლების მობილიზება „კოვიდ-19“-ით ინფიცირებული პაციენტებისთვის. ეპიდემიოლოგიური ვითარების გაუმჯობესების გამო, ჯანდაცვის სამინისტრომ შეზღუდვები აღარ გააგრძელა.
