მიშა ბოლქვაძის განცხადებით, მმართველი პარტია ამომრჩევლებზე ზეწოლას ახდენს. მისი თქმით, “ქართული ოცნების” შტაბიდან მონაცემთა ბაზა მიაწოდეს, სადაც ხელვაჩაურში მცხოვრები 47 ათასი ამომრჩევლის პირადი მონაცენები და კონფიდენციალური ინფორმაცია არის მითითებული. ბოლქვაძე შესაბამის უწყებებს აღნიშნული ფაქტით დაინტერესებისა და სასწრაფო წესით გამოძიების დაწყებისაკენ მოუწოდებს.
“პირადი მონაცემები “ქართული ოცნების” შტაბში სპეც სამსახურებმა მიიტანეს. გვაქვს ინფორმაცია, სადაც ჩანს თუ თქვენ ბატონებო რომელ არჩევნებზე იმყოფებოდით და ვის დაუჭირეთ მხარი, საზღვარი გადაკვეთეთ თუ არა, სახელმწიფო გეხმარებათ თუ არ გეხმარებათ, ნარკოდანაშაულში ხართ თუ არა მხილებული, თქვენზე ვინ ახდენს ზეგავლენას. ისიც კი გაბედეს და ისიც კი ჩაწერეს, თქვენზე ვინ ახდენს ზეგავლენას. ამიტომ მნიშვნელოვანია 2 ოქტომბრის რეფერენდუმი, ყველანი უნდა მივიდეთ და ”ქართულ ოცნებას” საკადრისი პასუხი გავცეთ” – განაცხადა მიშა ბოლქვაძემ.
