კვების ობიექტებში კოვიდ რეგულაციების დაცვის მიზნით მონიტორინგი მიმდინარეობს. ბათუმის მუნიციპალური ინსპექციის თანამშრომლები, შრომის ინსპექციასთან ერთად ობიექტებს სარეკმენდაციო ხასიათის წერილობით გაფრთხილებასაც აბარებენ.
მთავრობის ახალი დადგენილების მიხედვით კვების ობიექტებს 10 საათის შემდგომ ფუნქციონირება ეკრძალებათ. რეკომენდაციების აღსრულების დარღვევის ფაქტზე ფიზიკური პირი 2 000 ლარით, იურიდიული პირი კი 10 000 ლარით ჯარიმდება.
