სარფში არადეკლარირებული ოქროს შემოტანის მცდელობის 2 ფაქტი აღიკვეთა – ამის შესახებ შემოსავლების სამსახური იტყობინება. მათივე ცნობით, თურქეთის რესპუბლიკიდან შემოსული საქართველოს მოქალაქის ვ.ბ.-ს მართვის ქვეშ არსებული სატვირთო ავტომობილის, ბარგისა და თავად მოქალაქის მიმართ, რისკის პროფილის საფუძველზე საბაჟო კონტროლის ღინისძიებები განხორციელდა.
“მებაჟე ოფიცრების მიერ, დეტალური დათვალიერების შედეგად, არადეკლარირებული ოქროს საიუველირო ნაკეთობები (45.94 გრამი) გამოვლინდა. კანონდარღვევის მეორე ფაქტი, ეჭვის საფუძველზე, საქართველოს მოქალაქის ნ.მ.-ს კუთვნილი ბარგისა და ფიზიკური დათვალიერებისას გამოვლინდა. ოქროს ნივთების საერთო რაოდენობამ 130,43 გრამი შეადგინა,”- აცხადებენ შემოსავლების სამსახურში.
საქართველოს საბაჟო კოდექსის 168-ე მუხლის, პირველი ნაწილის შესაბამისად, კანონდამრღვევს, სანქციის სახით, ფულადი ჯარიმა, საერთო ჯამში, 28 081,03 ლარი შეეფარდა.
