იქ, სადაც 7 კორპუსის მშენებლობა უკანონოდ მიმდინარეობს დილიდან ხმაური და სიტყვიერი დაპირისპირებაა. გოგოლის ქუჩაზე ოპოზიციური პარტიების წარმადგენლები მივიდნენ და უკანონო მშენებლობა გააპროტესტეს.
სიღატაკის ზღვარს ქვემოთ მყოფ საქართველოს მოქალაქეებს უნგრევენ საცხოვრებელ სახლებს, ვისაც უნებართვოდ აქვს აივანი მიშენებული უნგრევენ და ამ დროს გაურკვეველი ტიპის, გასაიდუმლოებული, ყაზარმული შენობები შენდება ბათუმში. მერიაც ადასტურებს, რომ ეს არის უკანონო მშენებლობა. გვითხრან შესაბამისმა ორგანოებმა რა არის ეს, ამ ყაზარმულ შენობებში რა უნდა გაკეთდეს? კვლევითი ლაბორატორია უნდა გაკეთდეს, სამხედრო კვლევითი ცენტრია თუ რა არის? თავზე გადაგვახიეს საქართველოს კანონმდებლობა, კონსტიტუცია და ყველანაირი კანონი”- აცხადებს, სამოქალაქო აქტივისტი გენრი დოლიძე.
ბათუმის მერიის მუნიციპალური ინსპექციის ინფორმაციით, მათთვის ცნობილი იყო ამ უკანონო მშენებლობის შესახებ, კომპანია არაერთხელ დააჯარიმეს, ხოლო კომპანიის მიმართ სამართალწარმოება 1 ივნისს დაიწყო.
