ქობულეთში სტიქიის შედეგებს ითვლიან. მდინარის კალაპოტიდან გადმოსულმა წყალმა ქალაქის ნაწილი დატბორა. განსაკუთრებით დაზარალდნენ ცენტრალური ბაზრის მოვაჭრეები.
გადაუღებელი წვიმის შედეგად ავტოსადგურის მიმდებარე ტერიტორიაც დაიტბორა.
მეწყრული პროცესები განვითარდა რამდენიმე სოფელში. ხუცუბანში წყალმა საავტომობილი დროებითი ხიდი წაიღო. ორი ოჯახი მეწყერსაშიში ზონიდან უსაფრთხო ადგილზეა გადაყვანილი.
ქობულეთის მერიაში ამბობენ, რომ სალიკვიდაციო სამუშაოები დილიდან განახლდა, მიმდინარეობს ზარალის დათვლა და დაზარალებულებს გაეწევათ დახმარება შესაძლებლობის ფარგლებში.
