საოჯახო სასტუმროების მფლობელების მორიგი საპროტესტო აქცია დღეს, ფიჭვნარის დასახლებაში გაიმართა, საიდანაც ადგილობრივები მერიის შენობამდე ფეხით მსვლელობით მივიდნენ.
ქობულეთში მცხოვრებლები ამტკიცებენ, რომ ტურისტული სექტორი ხელისუფლების არასწორი საბანკო და საფინანსო პოლიტიკის შედეგად დაზარალდა, არაერთი მოთხოვნის მიუხედავად, კი ხელისუფლებამ და ბანკებმა არ გაითვალისწინეს ქვეყანაში პანდემიით გამოწვეული მძიმე მდგომარეობა.
საოჯახო სასტუმროების მეპატრონეები ბანკებისა და ხელისუფლების მიმართ სამართლებრივი დავის დაწყებას აპირებენ. ისინი კარდაკარის პრინციპით ხელმოწერებს აგროვებენ.
