15 სექტემბრიდან 4 ოქტომბრამდე სწავლა დისტანციურ რეჟიმში განახლდება. ამის შესახებ გადაწყვეტილება საკოორდინაციო საბჭომ მიიღო.
შეზღუდვა შეეხება როგორც სკოლებს, ისე უმაღლეს სასწავლებლებს.
4 ოქტომბრამდე არ იმუშავებენ კერძო და სახელმწიფო ბაღები.
განათლების მინისტრის მიხეილ ჩხენკელის თქმით, 4 ოქტომბერს სასწავლებლების მიმართ დიფერენცირებულ მიდგომას გამოიყენებენ. ეს გულისხმობს, რომ იმ ქალაქსა და სოფელში, სადაც ინფიცირების მაჩვენებელი იქნება 4%-ზე ქვემოთ, სწავლა განახლდება სასწავლო ოთახებში.
