სოფელ შარაბიძეების მოსახლეობის ნაწილმა აქცია გამართა. ადგილობრივები დასახლებაში ქვის გადამამუშავებელი ქარხნის ფუნქციონირებას აპროტესტებენ.
როგორც აქციის მონაწილეები აცხადებენ, წლების განმავლობაში აუტანელ პირობებში ცხოვრობენ. მათი თქმით, საწარმოზე ფილტრის არ არსებობის გამო მტვერი მუდმივად ჰაერში იფრქვევა, პერიოდულად კი დაკვამლიანებაა.
ადგილობრივების ინფორმაციით, არაერთხელ მიმართეს როგორც საწარმოს დირექციას, ასევე შესაბამის სამსახურებს, თუმცა დღემდე მდგომარეობა არ შეცვლილა.
