მორიგი საპროტესტო აქცია ქობულეთში

ქობულეთში საოჯახო სასტუმროების მფლობელები მერიასთან შეიკრიბნენ და ხელისუფლებას სესხების სუბსიდირება კიდევ ერთხელ მოთხოვეს.

დღევანდელ აქციას ურეკში მდებარე საოჯახო სასტუმროების მეპატრონეები და ბობოყვათში მცხოვრებლები, რომელთაც მიწის დაკანონების პრობლემები აქვთ, შეუერთდნენ.

მოგვიანებით აქციის მონაწილეები მერიის შენობაში შევიდნენ, კიბეებზე განლაგდნენ და შესასვლელის ბლოკირება მოახდინეს.

აქციის მონაწილეების განცხადებით, პროტესტი არ შეწყდება, თუ მათი მოთხოვნები არ დაკმაყოფილდება.