ბათუმის საკრებულოს თავმჯდომარეობის კანდიდატმა დღეს გამართულ ბრიფინგზე მმართველი პარტიის მხრიდან წინასაარჩევნოდ ადმინისტრაციული რესურსის გამოყენების ფაქტზე ისაუბრა.
ვახტანგ კალოიანის განცხადებით, კომპანია” ბათუმის წყალმა” “ოცნების” ოფისში საკუთარი ავტომობილით სკამები მიიტანა.
ცნობისთვის, აღნიშნული ფაქტის დამადასტურებელი ფოტოები “ბათუმელებმა” 16 აგვისტოს გამოაქვეყნა.
საარჩევნო კოდექსის 48-ე მუხლის თანახმად, წინასაარჩევნო პერიოდში პარტიების მიერ ადმინისტრაციული რესურსის, მათ შორის მუნიციპალიტეტის ორგანოების საკუთრებაში არსებული სატრანსპორტო საშუალების, გამოყენება აკრძალულია და დასჯადი.
მმართველი პარტიის მიერ წინასაარჩევნოდ შესაძლო სამართალდარღვევის ფაქტზე #79 სასრჩევნო ოლქში ორმა არასამთავრობო ორგანიზაციამ საჩივარი შეიტანა. თუ ოლქი აღნიშნულ ფაქტს დარღვევად ჩათვლის, “ქართული ოცნება” 2000 ლარით დაჯარიმდება.
